ELA eta STEE-EILAS sindikatuetako ordezkariak bat etorri dira esaterakoan mobilizazioekin jarraituko dutela, grebak baztertu gabe, baina “denborak eta moduak ongi neurtuta”.
]]>Ildo horretan ELAk bereak egin ditu aspaldidanik presoen giza eskubideak errespetatzeko aldarrikapena eta bat dator Herrira Plataformak larunbat honetarako egin duen deialdiaren xedearekin:
Sakabanaketa politikarekin amaitzea eta presoak Euskal Herrira hurbiltzea.
Gaixotasun larriak dituzten presoak askatzea eta bestelako gaixotasunak dituztenei osasun-trataera egokiak ematea.
Kondenak luzatzeko egin diren lege-aldaketak eta epaiak (Parot doktrina) bertan behera uztea, finean bizi arteko zigorra ezartzea suposatzen dute eta. Bide horretan, zigorraren 2/3 edo 3/4 bete dituzten presoak kaleratzea.
Giza eskubideekiko konpromisoa duen sindikatua garen aldetik, dei egiten diogu ELAko militante eta afiliatuei Herrira Plataformak deitu dituen elkarretaratzeetan parte hartzera.
]]>
Bertan, sindikatuek ezagutzen zituzten murrizketak azaldu zaizkie zuzendariei eta ezagutzen ez zituzten beste batzuk: 10. eskola egunera arte ez omen dira ordezkatuko baimenengatik eta gaixotasunengatik falta diren irakasleak. Soilik, ikastetxearen ohiko funtzionamendua bereziki kaltetua izango den kasuetan, ordezkapena azkarrago beteko da.
Neurri berriek (ordezkapenak, ratioak eta taldekatzeak) berebiziko eragina izango dute Nafarroako eskola txikietan, zeintzuen ikasleak bigarren mailakotzat jotzen dituen Hezkuntza Departamentuak.
ELAk Iribasi neurri guztiak bertan behera uztea exijitzen dio, enplegu suntsiketa eta kalitatearen okertzea dakartelako. Horregatik, mobilizazio guztietan parte hartzera deitzen du gizartea baita Nafarroako Hezkuntza Publikoko irakasle guztiak maiatzaren 22, 29 eta 31 greba egunetan parte hartzera ere
]]>Ezin dugu onartu gertatzen ari dena eta Miguel Angel Fernandez Ordoñez Espainiako Bankuko gobernadorea eta Espainako gobernuen arduradunak (presidenteak barne) auzitara eramatea erabaki dugu, gertatu dena berriro errepika ez dadin eta erantzukizunak eskatu behar direlako ”, azpimarratu du Muñozek.
Era honetan, gobernuko arduradun politikoak eta Espainiako Bankuko gobernadorea gezurretan aritu direla banketxeei laguntzako, gaineratu dute ELA eta CIG sindikatuetako idazkari nagusiek.
Bi sindikatuetako arduradunak bat etorri dira “egungo harremanak sendotu behar direla egoera honi eta patronalari aurre egiteko ”, adierazterakoan. Seixoren hitzetan “egoera oso larria da eta honen aurrean mobilizazioak areagotu beste irtenbiderik ez daukagu. Bi sindikatuok horretaz jabetuta gaude eta etorkizunean bide horretatik jarraitzeko konpromisoa hartu dugu ”
Bestalde, Espainiako eta Hego Euskal Herriko eta Galiziako gobernuek hartu dituzten neurriak salatu dituzte. Muñozek iritziz, “Epaitegietara joko dutela esaten ari dira, jakinaren gainean Madrilek agindutako murrizketak otzan-otzan beteko dituztela. Bazterrak nahasten ari dira gizartearen aurrean euren buruak zuritzeko ”.
ELAko idazkari nagusiaren iritziz, murrizketekin ados ez daudenak ezin dute epaitegietako ekintzetan geratu, eta hauen aurkako jarrera politiko sinesgarria agertu behar dutela berretsi du. “Ez dugu hori inondik-inora ikusten. Antzerki huts baten aurrean gaude ”.
]]>Atzo arte, 91 langile kaleratzea (guztira 352 langile izanik), soldatak %30 jaistea, eta lanaldiaren %40 malgua izatea planteatzen zuen zuzendaritzak.
Bi hilabete baino ez da igaro Rajoyren erreforma indarrean jarri zenetik, eta Laminaciones Arreguik ez du denbora alferrik galdu neurri-sorta hori guztia mahai gainean jartzeko. Zuzendaritzak 2012ko aurrekontua koadratu nahi du langileen pentzuan, zeren hortik aterako zuen aurrezkia ekitaldi honetan 8 milioi € ingurukoa izango zen. Gogoan eduki behar dira Arreguiko langileek orain arte egin izan dituzten ahaleginak, 2009. urtetik hona soldatak izozturik izan dituzte-eta.
ELAn gauza bat daukagu oso argi: Zuzendaritzak egoeraren errua langileei leporatu nahi die, nahiz eta haiek ez izan egoera hau sortu dutenak. Bankuek krediturik ematen ez dutenez, langileei eskatzen diete mailegua, 8 milioi €-koa, %0 interesean.
ELA sindikatuaren ustez honako hau enpresarien beste xantaia bat dugu; izan ere, bankuek ukatzen dieten guztia langileei ateratzen saiatzen dira itxieraren mehatxupean.
Tamalez, lan-erreforma dela-eta, horrelako neurriak hartzeko prozedura izapide burokratiko hutsen segida da; beraz, gure lan-baldintzak babesteko tresna bakarra mobilizazioak dira.
]]>Sindikatu honek foru-erakundeari eskatu dio enplegatu horien egoera konpontzeko, ELAri errua leporatzen ibili beharrean; zeren lanera joaten jarraitzen duten arren, han ez dago zaindu beharreko adingaberik. Enplegatu horiek egoera horregatik inolako errurik ez badute ere, egoeraren gatibu dira.
Langile horien lanpostuak Gipuzkoako Aldundiaren ardurapekoak izan behar dira, ELAren ustez. Eta, gainera, esan behar diogu Gizartegintzako foru-ahaldun Ander Rodriguezi gure ordezkariek ez diotela ukatu inolako akordiorik sinatzeari, ez baitzaie mahai gainean "eskaintza irmorik" jarri. Baliabide publikoak arduraz eramateak ez du zerikusirik zerbitzuaren kalitatea lorrintzearekin, ezta 54 lanpostu suntsitzea dakarten erabakiak hartzearekin ere.
Aldundiak, ikuskapen baten ondorioz, Bide Berri enpresa porrot egoeran zegoela ikusi zuenean, ordura arte enpresa horrekin zuen kontratua hautsi zuen. Bide Berrik bost etxebizitza kudeatzen zituen Arrasaten, Tolosan, Urretxun, Bergaran eta Donostian. Baina pisu horietan bizi ziren adingabeak foru-sarean hutsik zeuden lekuetara banatu zituzten.
]]>Arnaldo Otegi, Rafa Diez, Arkaitz Rodriguez, Sonia Jacinto eta Miren Zabaletaren aurkako epaia zantzu hutsetan oinarritzen da, gero froga legez hartzen diren zantzuak.
Epaiak pertsona hauek euren jarduera politikoagatik zigortzen ditu, eta Euskal Herrian bizi dugun prozesu politikoa kriminalizatzeko xedea du.
ELAren ustez, epai honen oinarrian PP-PSOE estatu-itunak emandako bultzada politikoa dago, eta agerian uzten du Estatu espainiarrak ez daukala borondate politikorik prozesu politikoan aurrera egiteko. Hain zuzen, ez da lasaigarria ikustea Espainiako auzitegien jarrera, prest baitaude botererik erreakzionarioenei babesa emateko.
ELAk berriro exijitzen du Bateragune kasuan epaitutako bost pertsonentzako askatasuna.
]]>ELA sindikatuak azpimarratzen du ezaugutu berria den ebazpenak Amma Argaray zaharretxearen irautea bermatu duela. Bertan, Seminario eraikinean, 160 bat zaharrak daude, 100 bat langilek zainduta, eta bi multzo hauek arriskuan daude eraikinaren alokairuaren hitzarmena kolokan delako. Horren aurka, Artzapezpikuaren asmoak daude: eskola bananduta irekitzea.
]]>Dagoeneko duela lau bilera ELAk idatziz proposamen formal bat egin zuen, baina hau ADEGIk gaur arte ez du aintzat hartu; Gipuzkoako patronalak agerian utzi du plataforma idatzia aitzakia merke bat besterik ez dela. Bere helburua benetan negoziazio-mahaia blokeatuta izatea da, aurrerapiderik egiteko inongo aukerarik gabe.
ELAren proposamenaren asmoa negoziatzen hastea da, bi oinarriren gainean: egungo baldintzak mantentzea eta hitzarmenaren egitura ez dela aldatuko bermatzea. Proposamen honekin ELAk eutsi egiten dio akordiora iristeko borondateari; sindikatu honek Gipuzkoako metalgintzako enpresa guztietan aplikazio orokorra izan eta gutxieneko baldintzak bermatuko dituen hitzarmena nahi du.
]]>Langile horiek “obra edo zerbitzuko” kontratu baten bidez kontratatu zituzten, amaierako datarik gabe eta Lekeitioko udalerriko lorategietan mantentze-lanak egiteko. Zerbitzua itzultzean, zeregin horiek udalak burutuko ditu zuzenean, baina “obra edo zerbitzua” ez da amaitzen. Eta lorategietako hitzarmenak (aplikagarria) ezartzen duenez, langile horiek subrogatuak izateko eskubidea dute, harik eta lanpostuak OPE (Enplegurako Eskaintza Publikoa) baten bidez behin betiko estali arte.
Hori horrela izanda eta Langileen Estatutuak, UDALHITZek eta Hitzarmenak ezartzen dutenari kasurik egin gabe, Lekeitioko Udalak kontrata horretako langileak subrogatzeari ezetza eman dio; eta horregatik epe laburrean (lan poltsan martxan jarri bezain pronto), kalean geratuko dira, udalerako bakarrik lan egiten dutelako.
Lekeitioko Udalaren erabakiak, “zerbitzua udalera bihurtzea langileak subrogatu gabe”, hauxe esan nahi du:
Hiru langile kalean uztea eta enplegurik gabe, nahiz eta lorategiko zerbitzuak jarraituko duen eta langile berriekin estaliko den.
Langileen Estatutuak ezartzen duena (enpresen ondorengotza eta subrogazioari buruzkoa) ez betetzea, Administrazio gisa langileen eta herritarren eskubideak bermatu behar dituenean.
Udaleko langileei aplikagarri zaien hitzarmena (UDALHITZ) ez betetzea.
Alkate andreak negoziazio-mahaian planteatu zuena ez errespetatzea, bertan esan baitzuen langileen subrogazioa bermatuko zela zerbitzuak udalera bihurtzean.
Eta azkenik, udal fondoak bidegabeki erabiltzea langile kaleratuei dagozkien kalte-ordainak ordaintzen, lorategiko zerbitzuaren premia dagoelako.
Kontuan hartuta badirela subkontratatuta dauden beste zerbitzu batzuk ere, nor edo nortzuk izango dira hurrengo kaleratuak?... Agian Kale-garbitzaileen (barranderoak) zerbitzukoak (7 langile), edota Udal Eraikinak garbitzeko eta mantentze-lanak egiteko zerbitzukoak (6 langile), edota Ume eta Gazteria Arlokoak (3 langile).
]]>Greba egun honen prestaketa bidean lan-zentroetan batzarrak, delegatuen elkarretaratzeak, neurriei aurre egiteko moduak eta era ezberdinetako protestak burutzeko proposamen zehatzak luzatuko dituzte ondorengo egunotan.
]]>Era berean, hedabideen itxierak, eta gehiegikeri politiko, administratibo, judizialak nahiz instituzionalak eman dira ere.
ELAk askatasunaren aurkakoak diren atentatu guzti hauekin amaitzea exijitzen du eta, epaiketa honi dagokionez, prozesu judizial hau bertan behera uztea. Bertako prozesatuek, finean, partaidetza politikoa eta bozka pasiboaren aldeko zilegizko eskubidea jorratu besteruik ez baitute egin eta.
Azkenik, ELAk deialdia luzatzen die bere afiliatuei prozesatuekin elkartasuna adierazteko Bilbon, larunbate honetarako, deitu den manifestazioan parte hartzera.
]]>Bestalde, behar sozialak inoiz baino larriagoak direla nabarmendu du. Horregatik Ogasunei eskatu die opari fiskalak bertan behera utzi ditzatela, eta iruzur fiskalaren aurka gogor borrokatzeko. “Ekonomiaren hazkunde garaian Ituna eta Hitzarmena errenta altuei eta kapitalen errentei zergak jaisteko baliatu ziren”.
Muñozen hitzetan argi dago sindikalizatu gabeko esparruetan ez dela negoziazio kolektiborik izango. “ELA erronka horri aurre egiteko prest dago. ELAk baliagarri izan nahi du, eta bere klase-nortasunari leial. Gauza bat galarazi nahi dugu: lan-baldintzak enpresarioek alde bakarreko erabakiz ezartzea”.
]]>Aurtegoan arreta berezia eskeini zaie arrisku psikosozialei, lan erreformarekin arriskuan nabarmenki handitu baitira arlo honetan.
Leire Txakartegi, lan eta segurtasun arloko arduardunaren hitzetan, lan erreformarekin prekarietateak, lege iruzurrak kontratazioetan eta kontrolik gabeko azpikontratazioak gora egingo dute.
Bestalde, enpresa askok prebentzioa alde batera utzi nahi dute krisia aitzakitzat hartuta. “Ez dago ez kontrolik eta ez zigorrik prebentzio arloan ematen diren lege hausteen aurrean”, azpimarratu du.
Adolfo Muñoz “Txiki”k, bere aldetik, enpressetan une honetan enpleguaren alde ematen ari den borroka goraipatu du eta sindikatua beste alternatibarik ez dagoela “gure eskubideak defendatseko”, aldarrikatu du. Bere esanetan, “burumakur eta beldurtuta nahi gaituzte, baina sindikatua prest dago borrokarako eta erronka honi aurre egingo dio”.
]]>