Dokumentu Akzioak
Albisteak
Maila bat goragoSartagudako Memoria Parkea
Maiatzaren 10ean ospatuko da Sartagudan Memoria Parkearen inaugurazioa. Errepresio frankistaren biktimei omen egitea, eta batik bat, altxamendua gertatu berritan fusilatu zituzten sartagudar ugariak omentzea du helburu parke horrek.
Faustino Orbegozo zahar-etxeko grebalarien aldeko manifestazioan pribatizazio politika salatu da
Ehundaka pertsonek parte hartu dute Donostian Faustino Orbegozo zahar-etxeko langileen aldeko manifestazioan. Langileek ia hiru hilabete daramate greban euren lan baldintza eta soldatak mantentzea eskatuz. Izan ere, Gipuzkoako Diputazioak soldatak urtean sei mila eurotan murriztu nahi dizkiete eta, aldiz, lan ordutegia 80 ordutan luzatu erresidentzia pribatizatzeko aitzakiarekin.
Jaurlaritzak osasun pribatuaren aldeko hautua egin du
Adolfo Muñoz idazkari nagusiaren albokoaren esanetan, egunetik egunera gero eta argiagoa da Jaurlaritzaren eta osasun arloko patronalaren arteko itun estrategikoa. Urtero osasun arloko aurrekontuen inguruan egiten den txostenaren aurkezpenean Muñozek azpimarratu du Europar Batasunean aztertutako herrialde guztietatik Greziak bakarrik gastatzen duela EAEk baino diru gutxiago osasun publikoan. “Osasun publikoak egiten ez duena pribatuak egiten du. Beharrak ez dira desagertzen eta horretaz baliatzen dira negozioa egiteko ”.
Lanuzteak Basauriko eta Gasteizeko Sidenorren
Basauriko eta Gasteizeko Sidenor enpresako lan batzordeak hiru egunetako greba deialdia egin du. Grebak maiatzaren 8, 14 eta 16an egingo dira lan hitzarmenaren alde, enpresaren zuzendaritzak azken urteetan lortutako hainbat eskubide bertan behera utzi nahi dituelako. Esaterako gaur egun lan-astea 35 ordukoa da, eta zuzendaritzak urteko lanaldia 40 ordutan luzatu nahi du.
Elorrieta: Jaurlaritzak sindikatuen kritikak nola edo hala isildu nahi ditu
Milaka pertsonek hartu dute parte Maiatzaren Lehena dela eta ELAk Bilbon antolatu duen manifestazioan. Aurretik, Jose Elorrietak, idazkari nagusiak, eta Adolfo Muñozek, idazkari nagusiaren albokoak, sindikatuko kideen aurrean hitz egin dute. Elorrietaren esanetan, Eusko Jaurlaritza Lehiaren Defentsarako Euskal Auzitegiaren bitartez sindikatuak zigortu nahi ditu, askatasun sindikala mugatu, eta bide batez merkataritzako multinazionalak babestu. “Konpetentziaren izenean nahi dutena da justu kontrakoa: konpetentzia desagertzea, enpresa txikiak ixtea”.
Arrasateko alkatea berehala aske uztea exijitzen du ELAk
Garzon epaileak Arrasateko alkatea den Ino Galparsoro fidantzarik gabe atxilotzeko emandako agindua bidegabekeri hutsa da ELAren iritziz. Neurriz kanpoko erabaki honek, beste behin, interes eta bultzada politikoen menpean dagoen espainiar sistema judizialaren etengabeko erabilera erakusten du.
ELAk Bilbon ospatuko du Maiatzaren Lehena
Azken urteotan bezala ELAko militanteok Bilbon ospatuko dugu Maiatzaren Lehena. Goizeko 11,30etan Jesusen Bihotzaren Plazan Jose Elorrieta, idazkari nagusiak eta Adolfo Muñoz, idazkari nagusiaren albokoak gaur egungo egoeraren diagnostikoa egingo dute, hainbat ikuspuntutatik: gizarte, ekonomia, lana eta politika arloak kontutan hartuta.
Tibeteko herriarekin elkartasuna
ELAk bere elkartasuna agertu dio Tibeteko herriari, subiranotasunaren eta independentziaren alde daraman borroka dela-eta. Azken asteotan ikusi ahal izan ditugun Tibeteko zezio larriek argi eta garbi erakutsi digute hango herritarren borondatea zein den: 1949. urtearen aurreko estatusa berreskuratzea, txinatarren inbasio militarraren aurreko estatusa, alegia.
Akordioa lortu da Mendiguren y Zarraoan
Berrizko Mendiguren y Zarraoa enpresan akordioa lortu da bost egunetako grebaren ondoren. Akordiora apirilaren 26an iritsi ziren enpresako zuzendaritza eta lan batzordea apirilaren 21an hasitako greba mugagabeari amaiera emanez.
Elorrietak ugazaba eta administrazioek lan istripuetan duten ardura salatu du
Mila pertsona baino gehiagok parte hartu du apirilaren 25an “Lan osasunaren eta segurtasunaren eguna ” dela-ta, ELAk Bilbon antolatutako ekintzetan. Goizeko 10etan Bilboko Ayala zineman ordezkarien batzarra ospatu da, Jose Elorrieta, Mikel Noval eta Janire Dominguez, idazkari nagusia, ikerketa arloko arduraduna eta lan osasunaren saileko kidearen hitzaldiekin.